Presentasjon
Beskjere eit bilete
Behald berre den delen av biletet du vil bruke, med Beskjer.
Vis som tekst
Slik beskjer du eit bilete i Creaza Presentasjon
Klikk på biletet, vel «Beskjer» i menyen som høyrer til biletet, og dra ei ramme over den delen du vil behalde. Klikk «Ok». Med «Lasso» kan du i staden teikne ei fri form rundt det du vil ha med.
Slik gjer du det
- Klikk på biletet for å velje det. Menyen som høyrer til biletet, blir vist. Trykk M for å gå til menyen med tastaturet.
- Klikk på «Beskjer» i menyen. Ikonet er to vinklar som kryssar kvarandre. Biletet blir vist stort på arbeidsflata, og panelet «Beskjer» opnar seg med verktøya «Ramme», «Lasso», «Ellipse», «Trekant» og «Rektangel».
- Med «Ramme» dreg du i hjørna av ramma til ho dekkjer området du vil behalde. Utanfor ramma blir biletet lyst og utvaska, så du ser kva som blir skore bort.
- Klikk «Ok». Biletet er no beskore, og du kan flytte og endre det som alle andre bilete.
- Vil du beskjere med ei fri form, vel du eit bilete, klikkar «Beskjer» og vel «Lasso» i panelet. Panelet viser no «Beskjeringsområde», der «Behald innsida» er valt.
- Hald nede museknappen og teikn rundt delen du vil behalde. Når du slepper, blir forma lukka, og resten av biletet blir lyst og utvaska.
- Klikk «Ok». Biletet følgjer no forma du teikna, og du kan flytte og endre det som før.
Snarvegstastar
- Gå til menyen til det valde elementet (Tab flyttar mellom knappane, Esc går tilbake): M
- Flytt biletet i beskjeringa: Hald mellomrom og dra
- Zoom i beskjeringa: Ctrl + rullehjul (Mac: ⌘ + rullehjul / knip)
- Avbryt beskjeringa: Esc
- Angre: Ctrl+Z (Mac: ⌘+Z)
Nyttig å vite
- Ombestemmer du deg, vel du «Beskjer» igjen og klikkar «Fjern». Då får du heile biletet tilbake.
- Vel «Behald utsida» om du heller vil skjere bort det du teiknar rundt.
- «Ellipse», «Trekant» og «Rektangel» gir biletet ei fast form, til dømes eit rundt portrett.
Sjå også
- Spegelvende eit bilete – Snu eit bilete horisontalt eller vertikalt, så dinosaurane ser på kvarandre.
- Kopiere element – Lag ein liten skog ved å kopiere eitt tre, og kopier fleire element på éin gong.
- Legg til ein karakter – Frå biletgalleriet til arbeidsflata på nokre sekund.
- Lag og rekkjefølgje – Bestem kva element som ligg framfor og bak, og sjå skilnaden på eitt steg og heilt fremst eller bakarst.